АНУ-ын Засгийн газрын санхүүжилттэй хэрэгждэг бакалаврын оюутнуудад зориулсан Глобал UGRAD, SUSI хөтөлбөрүүд зарлагдсантай холбоотойгоор Монголын их дээд сургуулиудтай хамтран АНУ-ын ЭСЯ-наас хэрэгжүүлдэг боловсрол, солилцооны хөтөлбөрүүд болон визийн талаар танилцуулгын аяныг зохион байгуулах гэж байна.
Танилцуулагдах хөтөлбөрүүд:
- Бакалаврын 1, 2, 3-р курсийн оюутнуудад зориулсан нэг семестрийн, бүрэн тэтгэлэгт Глобал UGRAD хөтөлбөр
- Бакалаврын 1, 2, 3-р курсийн эмэгтэй оюутнуудад зориулсан 5-6 долоо хоногийн зуны, бүрэн тэтгэлэгт Манлайллын SUSI хөтөлбөр
- Залуу мэргэжилтнүүдэд зориулсан АНУ-д магистрын зэрэг эзэмшээд ирэх боломжийг олгодог, бүрэн тэтгэлэгт Фулбрайтын Оюутны хөтөлбөр
- Америкт суралцах сонирхолтой сурагчдад үнэ төлбөргүй зөвлөгөө өгдөг Америкийн боловсролын зөвлөгөөний төв болох EducationUSA хөтөлбөр
- Англи хэл сурах үнэ төлбөргүй онлайн хичээлүүд (MOOCs)
- Америкт суралцах зорилготой иргэдэд зориулсан F-1 визийн танилцуулга
- Мөн танилцуулга хөтөлбөрийн мэдээллийн үеэр сурагчдын сонирхсон асуултад хариулт өгөх болно.
Аянд оролцох сургуулиуд болон хуваарь:
- 9/19 Монгол Коосэн Технологийн Коллеж
- 9/23 Өвөрхангай аймаг дахь Политехник Коллеж
- 9/27 Отгонтэнгэр их сургууль
Хангай дээд сургууль
Хөдөө аж ахуйн их сургууль - 9/30 Эрдэнэт цогцолбор дээд сургууль
- 11/4 Монгол Улсын Их Сургууль
- 11/14 Шинжлэх Ухаан Технологийн Их Сургууль
- 11/18 *Анагаахын Шинжлэх Ухааны Үндэсний Их Сургууль
- 11/21 *Соёл Урлагийн Их Сургууль
- 11/25 *Монгол Улсын Боловсролын Их Сургууль
*Дээрх сургуулиуд болон хуваарь өөрчлөгдөх боломжтой.
Аяны талаар дэлгэрэнгүйг АНУ-ын ЭСЯ-ны Facebook, Instagram хуудсуудаар, мөн #АмериктСуралцацгаая хаштагаар аваарай!
