Улаанбаатар хот дахь Америкийн төв

Кино үдэш:

Лхагва гариг бүрийн 17 цагаас Америкийн уран сайхны болон түүхэн киног өргөн дэлгэцээр үзэх боломжийг олгодог бөгөөд тухайн киноны талаархи өөрийн үзэл бодлыг оролцогчидтой солилцон мэтгэлцэх боломжтой. Мөн та өргөн дэлгэцээр өөрийн үзэхийг хүссэн киног төвийн ажилтанд урьдчилан захиалж санал хэлэх боломжтой.

“Америкийн тухай ярилцъя” цуврал лекц:

Пүрэв гариг бүрийн 18 цагаас АНУ-ын ЭСЯ-ны мэргэжилтнүүд болон Монголд ажиллаж байгаа төрийн болон сайн дурын байгууллагаас ирсэн Америк иргэд “Америкийн тухай ярилцъя” цуврал лекцийг уншдаг. Тус лекцэнд оролцсоноор Америкийн түүх, соёл урлаг, байгаль хийгээд нийгмийн амьдралын тухай бодит мэдээлэл авч, мөн англи хэлний чадвараа сайжруулах боломжтой.

DVC сургалт, уулзалт:

Интернэт холболтын тусламжтайгаар дижитал хэлбэрээр уулзалт, хурал зөвлөгөөн зохион байгуулах боломжтой. 2007 оноос хойш “Америкийн тухай ярилцая” цуврал лекцийг Ховд аймаг, Дархан-Уул аймаг болон ШУТИС, АНУ болон Монгол улс дахь сурагчдийн хооронд уулзалт мөн тэтгэлэгт хөтөлбөрийн ярилцлага зэргийг амжилттайгаар зохион байгуулаад байна.

Номын Клуб:

Баасан гараг бүрийн 18:00-19:00 цагийн хооронд Фулбрайт хөтөлбөрийн англи хэлний туслах багштай хамтран Англи номын клуб-ийн уулзалтыг зохион байгуулдаг бөгөөд тухайн сард уншихаар сонгосон номыг үнэ төлбөргүйгээр тус төвийн номын фонд болон кindle, онлайн линкээс авч ашиглах боломжтой.

Гишүүнчлэл

Хэрвээ та тус төвөөр үйлчлүүлэхийг хүсвэл:

Америкийн төвөөр үйлчлvvлэхээр анх удаа ирсэн Улаанбаатар хотын иргэн бүр Д. Нацагдоржийн нэрэмжит Хотын Төв Номын Сангийн (ХТНС) гишүүнчлэл үл харгалзан төлбөргvй үйлчлүүлнэ. Цаашид тус төвөөр байнга үйлчлvүүх, ном зээлээр авч унших тохиолдолд ХТНС-гийн гишүүнчлэлд бүртгүүлсэн байна.

Та  ХТНС-гийн гишүүнчлэлд бvрүгүүлэхдээ:

  • Иргэний үнэмлэх
  • Оюутны болон ажлын үнэмлэх
  • Гэрийн хаягын тодорхойлолт
  • Бүртгэлийн хураамж  5000₮  /насанд хүрэгчид/

Хөдөө орон нутгаас түр ирсэн англи хэлний багш нар болон гадаадын иргэд, сайн дурынхан тус төвөөр тодорхой хугацааны дотор төлбөргvй үйлчлүүлнэ. Та тус төвөөр үйлчлүүлэхээр ирэхдээ иргэний бичиг баримтаа авчрах хэрэгтэй.

Америкийн төвд зохион байгуулагдах бусад соёл, олон нийтийн арга хэмжээнүүд нь олон нийтэд хүртээмжтэй, төлбөргүй байх зарчмыг баримтална.

Зуны цагийн хуваарь:

Даваа-Баасан: 10:00–18:00
Бямба, Ням гарагт – амрана

Өвлийн цагийн хуваарь:

Даваа-Баасан: 09:00–20:00
Бямба, Ням: 10:00–19:00

Холбоо барих хаяг: 

Америкийн төв
Сөүлийн гудамж – 7, Улаанбаатар- 28
Утас/Факс: 976-70115703
Электрон шуудан: ub_americancorner@yahoo.com