Монгол Улсын Засгийн газрын санхүүжилттэй Фулбрайтын Оюутны хөтөлбөрийн гэрээнд гарын үсэг зурсны 10 жилийн ойг тохиолдуулан АНУ-ын Элчин сайдын яам, Монгол Улсын Боловсрол, шинжлэх ухааны яамтай хамтран тус хөтөлбөрт хамрагдагчдын суралцсан АНУ-ын их дээд сургуулуудийн танилцуулга, Монгол Улсын Засгийн газраас тэргүүлэх чиглэлээр тодорхойлсон мэдээллийн технологи, боловсрол, эрүүл мэнд зэрэг зургаан сэдвийн хүрээнд хэлэлцүүлэг зохион байгуулах гэж байна.

Фулбрайт хөтөлбөр нь үргэлжид хувьсан өөрчлөгдөж байдаг ертөнцөд хүмүүсийг хооронд нь холбож байх зорилготой. АНУ-ын засгийн газраас дэлхийн 160 оронтой түншлэн явуулж буй Фулбрайт хөтөлбөр нь олон улсын боловсрол, соёлын хосгүй туршлагыг санал болгодог.

Фулбрайтын Оюутны хөтөлбөрийн анхны Монгол сурагч 1994 онд АНУ-ыг зорьсноор хойш Фулбрайтын хөтөлбөр нь Монгол Улсад тасралтгүй 26 жилийн турш хэрэгжиж байгаа ба энэ хугацаанд АНУ-ын Засгийн газрын санхүүжилтээр хоёр чиглэлийн нийт 300 орчим солилцоог хэрэгжүүлээд байна. 

Монгол Улсын Засгийн газраас Фулбрайтын Оюутны хамтарсан хөтөлбөр хэрэгжүүлэх саналыг 2009 онд анх гаргаж, 2010 оны 12 дугаар сарын 15-нд хоёр тал хамтарсан хөтөлбөрийн гэрээнд гарын үсэг зурснаар Монгол Улсын Засгийн газрын санхүүжилттэй Фулбрайтын Оюутны хөтөлбөрийн суурь тавигдсан ба өдгөө нийт 100 гарам Монголчуудад боловсрол, байгаль орчин, эрүүл мэнд, геологи, инженерчлэл зэрэг Монгол Улсын Засгийн газрын тодорхойлсон тэргүүлэх болон бусад нэн шаардлагатай чиглэлүүдээр АНУ-д магистерийн зэрэг эзэмших боломжоор хангаад байна. 

Энхүү ойг тохиолдуулан бид Боловсрол, соёлын яамны Гадаад хамтын ажиллагааны газартай хамтран 2020 оны 12 дугаар сарын 19-ны Бямба гарагийн 13 цагаас 17 цагийн хооронд зохион байгуулж буй зургаан цуврал хэлэлцүүлэг болон АНУ-ын их дээд сургуулийн танилцуулга бүхий виртуал арга хэмжээнд та бүхнийг оролцохыг урьж байна:  

Хэлэлцүүлэг
13:00 -13:30	Нээлтийн арга хэмжээ
13:30 – 14:30	Сэдэв:	Бизнес, Эдийн засаг	Сэдэв	Байгаль орчин
14:30 – 15:30	Сэдэв:	Мэдээллийн технологи	Сэдэв:	Нийтийн бодлого
15:30 – 16:30	Сэдэв:	Боловсрол	Сэдэв	Эрүүл мэнд
16:30 – 17:00	Хаалтын арга хэмжээ

Хэлэлцүүлэгүүдийг сонирхсон хүмүүс энд дарж бүртгүүлнэ үү. 

АНУ-ын их дээд сургуулийн танилцуулга
	1-р бүлэг	2-р бүлэг	3-р бүлэг
13:30 – 13:45	Cornell University	University of Arkansas	Georgia State University
13:45 – 14:00	Carnegie Mellon University	University North Carolina	Cornell University
14:00 – 14:15	University of Utah	Syracuse University	Iowa State University
14:15 – 14:30	State University of New York at Albany	Colorado State University	University of Arizona
14:30 – 14:45	Colorado State University	Tufts University	Clark University
14:45 – 15:00	Michigan State University	Montana State University	State University of New York, Albany
15:00 – 15:15	University of Missouri	Harvard University	University of Massachusetts
15:15 – 15:30	University of Vermont	Kent State University	Loyola University Chicago
15:30 – 15:45	Brandeis University	Rochester Institute of Technology	New York University
15:45 – 16:00	Bentley University	Worcester Polytechnic Institute	Syracuse University
16:00 – 16:15	Embry Riddle College	California State University	Lehigh University
16:15 – 16:30	Columbia University	Kansas State University	NA

 

Жич: Их дээд сургуулийн танилцуулга үзэхэд бүртгэл шаардлагагүй бөгөөд сонирхсон сургуулийн танилцуулгаа эхлэх цагт дээрх холбоос дээр нь дарж оролцоно уу.

АНУ болон Монгол Улс нь хүний эрх, ардчилал, сайн засаглал, тусгаар байдал, энх тайван, хөгжил цэцэглэлтийг боловсрол, соёлын солилцоо болон эдгээр хөтөлбөрт хамрагдагчдаараа дамжуулан дэмжих, хамгаалах хамтын ойлголцол, нягт холбоо бүхий түншүүд билээ.

ын U. S. Embassy Ulaanbaatar | 2020 оны 12-р сарын 10 | Нийтлэлүүдийг шүүх: АНУ ба Монгол Улс, АНУ-д суралцан төгсөгч, Арга хэмжээнүүд, Мэдээ мэдээлэл, Тэтгэлэгт ба солилцоо, Хэвлэлийн мэдээ