Дэд Тэргүүн Мануэл Микаллер

Ноён Микаллер нь Улаанбаатар дахь АНУ-ын Элчин сайдын яамны Дэд тэргүүнээр 2016 оны 8 дугаар сараас эхлэн ажиллаж байна.

2014-2016 онд тэрээр Төрийн Департаментын Өмнөд ба Төв Азийн асуудал эрхэлсэн товчооны Энэтхэгийн асуудал хариуцсан албанд дэд захирлаар ажиллаж байв. Үүнээс өмнө тэрээр Тажикстаны Душанбе дахь АНУ-ын Элчин сайдын яаманд Улс төр, эдийн засгийн хэлтсийн дарга, улмаар дэд тэргүүний үүргийг түр орлон гүйцэтгэгч, Өмнөд ба Төв Азийн асуудал эрхэлсэн товчоонд эдийн засгийн ахлах ажилтан, Мароккогийн Рабат хотод Эдийн засгийн хэлтсийн орлогч даргаар тус тус ажиллаж байжээ.

Мөн тэрээр Төрийн Департаментын Шуурхай албаны төвд ажиллаж байхдаа Москва, Ашхабад зэрэг газрууд руу томилогдож байв.

Үүнээс гадна Дипломат албаны гүйцэтгэх зөвлөлөөс хэрэгжүүлдэг Лоренс С. Ийглбургер хөтөлбөрийн гишүүнийхээ хувьд Тайко Интернэшнл байгууллагад ажиллаж байсан туршлагатай.

Ноён Микаллер нь Жонс Хопкинсын их сургуулиас бакалавр, Жорж Вашингтоны их сургуулиас бизнесийн удирдлагын магистрын зэрэг хүртжээ. Мөн тэрээр Үндэсний цэргийн дайны коллежоос үндэсний аюулгүй байдлын стратеги судлалаар магистрын зэрэг хүртсэн бөгөөд сургуулийнхаа шилдэг төгсөгч болсон юм. Тэрээр орос болон перс хэлтэй.